Título, texto, imaxe, enlace, etiqueta

Para iniciar o novo blog, imos facer a primeira entrada: Pensar nun tema, poñerlle un TÍTULO, un pequeno TEXTO incluindo unha IMAXE e algunha LIGAZÓN.
O obxectivo é a práctica coa ferramenta para dominar e entender todas as posibilidades que ten. Se o blog vai estar dirixido o traballo na aula, podemos facer unha introdución para os alumnos, explicándolles a súa finalidade.
É convinte suxerirlles algo que lles apetezca para motivar o uso da ferramenta.

1.- O primeiro paso consiste en introducir unha imaxe que previamente teño gardada no meu ordenador.
Para gardala debemos primeiro salvala premendo co botón dereito do rato e seleccionando "Gardar imaxe como" e decidir o lugar onde se pode gardar. Pode ser dentro da carpeta "as miñas imaxes", por exemplo.

2.- A continuación, prememos na icona inserir imaxe na barra de ferramentas da nosa creación de entradas e imos seguindo os pasos:

• Clicamos en EXAMINAR para buscar a imaxe no noso equipo.
• SELECCIONAMOS e SUBIMOS a imaxe que previamente gardamos.
• Decidimos a LOCALIZACIÓN : esquerda, centro ou dereita, e tamén o TAMAÑO.
• Finalmente, facemos clic en FEITO.
• A primeira vez que posteamos debemos aceptar os termos de blogger.

3.- Escribimos un pequeno texto e SELECCIONAMOS unha palabra ou expresión que queremos vincular. COPIAMOS unha URL, continuación prememos na ferramenta para facer enlaces (cadea) e a PEGAMOS na caixiña do hipervínculo que nos aparece. (cuidado non repetir duas veces http://)

4.- Poñemos unha ETIQUETA esta primeira entrada na caixa que vemos abaixo.

4.- Comprobamos e revisamos facendo clic en VISTA PREVIA.

5.- Comprobamos a nosa entrada en Edición HTML e en Redactar. Vemos diferencias.

6.- Gardamos como borrador a entrada se non a temos ainda rematada ou a queremos publicar máis tarde. Blogger xa vai gardando automáticamente.

7.- Se todo está listo, podemos premer en PUBLICAR.